भरपावसात ट्रकला ओव्हरटेक करताना घात झाला, बाईकस्वार तरुणासोबत अनर्थ घडला

maharashtra times

संजय आहेर, जालना : शहरातील जवाहर बाग परिसरातील काळे चौकात आज ८ जुलै रोजी सोमवारी दुपारी भीषण अपघात झाला. भर पावसात दुचाकीस्वार समोर चाललेल्या ट्रक क्रमांक युपी ७७ एएन ४४९१ ला ओव्हरटेक करत होता. ओव्हरटेक करत असताना तरुणाची दुचाकी घसरुन झालेल्या अपघातात दुचाकी स्वार ट्रकच्या चाकाखाली आला. यात ट्रकखाली चिरडून त्याचा दुर्दैवी मृत्यू झाला. हा सर्व प्रकार सीसीटीव्ही कॅमेऱ्यात कैद झाला आहे..

दरम्यान, जालना शहरातील काळे चौकाकडून कन्हैयानगरकडे जात असलेल्या ट्रकला बाईकस्वार ओव्हरटेक करण्याच्या प्रयत्नात होता. दुचाकीस्वार अविनाश कैलास हिवाळे, वय वर्ष ३२ रा. खांडसरी, जालना याची मोटारसायकल ट्रकला ओव्हरटेक करताना घसरली आणि मोटरसायकल घसरल्याने अविनाश हा ट्रकच्या समोरील चाकाखाली आला. चाकाखाली चिरडल्याने त्याचा जागीच मृत्यू झाला.

संपूर्ण महाराष्ट्रासह जालना शहरातही पाऊस सुरू आहे. सोमवारी दुपारी पाऊस सुरू असताना हा अपघात घडला. अपघात ठिकाणी मोठी गर्दी झाली होती. दरम्यान घटनेची माहीती मिळताच सदर बाजार पोलीस ठाण्याचे पोलीस निरिक्षक पकंज जाधव, महीला फौजदार शिंदे, धनाजी कावळे, भरत ढाकणे आणि राजमाने यांनी घटनास्थळी धाव घेत ट्रक चालक आणि क्लिनर या दोघांना ताब्यात घेतले. दरम्यान रस्त्याच्या कडेला साईड पंखे भरल्या न गेल्याने या मार्गावर दररोज अपघात होत असल्याचे, काँग्रेस पदाधिकारी शेख शमशोद्दीन यांनी म्हटलं.

दरम्यान, मागील काही दिवसांत जळगाव, मुंबई, पुणे अशा शहरांमध्ये हिट अँड रनच्या घटना समोर आल्या आहेत. तर अनेक ठिकाणी अपघात होऊन अनेकांचा मृत्यू झाल्याच्याही घटना घडल्या आहेत. मुंबईतील वरळी रविल इथे नुकतंच बीएमडब्ल्यू कारने हिट अँड रनचं प्रकरण समोर आलं. या अपघातात बाईकवरुन जाणाऱ्या एका पती-पत्नीला BMW कारने उडवलं. यात महिलेचा मृत्यू झाला. पुण्यातील पोर्श कार प्रकरण ताजं असताना मुंबईतील या हिट अँड रनच्या प्रकरणाने खळबळ उडाली आहे.

Source link

Leave a reply

Please enter your comment!
Please enter your name here