मोदींनी एका भाषणादरम्यान सांगितले की ज्यांचा घरी मुले जास्त जन्माला येतात असा एक वर्ग आहे याचा अर्थ त्यांना मुस्लिम समाजाबद्दल बोलायचे होते आणि ते म्हणाले की त्यांच्या हातात सत्ता गेली की तुमच्या भगिनीचे मंगळसूत्र जाईल कधी असे घडले का? असे कधी देशात घडले नाही,पंतप्रधानांनी असे बोलणे याप्रकारची चर्चा करणे काही तारताम्य काही मर्यादा मोदींनी पाळली नाही अशी टीका पवारांनी केली.
“होय मी आत्मा, पण तुम्हाला सोडणार नाही” शरद पवारांचे ‘भटकती आत्मा’ टीकेवरुन मोदींना प्रत्युत्तर
राजकीय पक्ष किंवा नेत्यांवर टीका करताना काही मर्यादा आम्ही ठेवतो पण मोदींनी माझ्याबद्दल बोलताना भटकती आत्मा असा अपशब्द वापरला तसे त्यांचे “एकादृष्टीने खरंच आहे आत्मा आहे मी आणि तुम्हाला सोडणार नाही” असे थेट उत्तर पवारांनी दिले. बाळासाहेब ठाकरेंनी शिवसेना स्थापन केली त्यांचा विस्तार केला, मराठी माणसाला पाठबळ दिले आणि शिवसेनेबद्दल बोलताना मोदी म्हणतात नकली बापाची संघटना असे हे बोलणे मोदींना शोभते का? यांचा अर्थ मोदींना तारतम्य राहिले नाही. सत्ता हातात येण्याची शक्यता मावळताना दिसली तर माणूस बेफाम होतो, तशीच मोदींची स्थिती झाली होती असे पवार म्हणाले.
शरद पवार यांच्या पक्षाचा आज रौप्य महोत्सवी वर्धापन दिन नगरमध्ये साजरा करण्यात आला. पक्षफुटीनंतर शरद पवारांच्या गटाचा हा पहिला वर्धापन दिन आहे. जयंत पाटील, सुप्रिया सुळे पवारांसोबत हजर होते. तसेच नवनिर्वाचित आठही खासदारांचे सुद्धा पक्षाच्या वतीने आज जंगी स्वागत करण्यात आले.
